Përfundon sezoni për Manuel Neuer

16:27 | 20 Prill 2017
Arbresh Info

Portieri i Gjermanisë, Manuel Neuer nuk do të jetë gjatë këtij edicioni në dispozicion për skuadrën e Bayern Munichut pasi ka thyer të eshtrat e këmbës.

Neuer u lëndua derisa Cristiano Ronaldo po finalizonte hat-trickun e tij në fitoren 4 me 2 të Real Madridit ndaj Bayernit, ndeshje e cila edhe eliminoi skuadrën e Carlo Ancelottit në çerekfinale të Ligës së Kampionëve, transmeton portali arbresh.info.

“Sigurisht që jam i shqetësuar që nuk do të jem në dispozicion për skuadrën këtë sezon”, tha Neuer për faqen zyrtare të klubit

“Tani jam i fokusuar për të rikthyer shëndetin tim që të rikthehem sa më shpejtë që është e mundur. Kjo është gjëja më e rëndësishme tani për mua”

Portieri humbi gjithashtu tri ndeshjet e fundit në fillim të këtij muaji për shkak të një lëndimi në këmbë./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm